ساواش
جین دمیردن قورخان کیمی
حایاتدان قورخمایی ترجیح ائتدیم.
جیسارتسیزلیک میدالینی عومور بویو بوزارمیش پالتارلاریمدان آسلادیم.
ائله بیلکی موجادیله سیز بیر یاریشدا هرساواشدان اونجه اوتوزموش بیر زاواللی رولو اویناماخ منیم ژنلریمد کپی اولاراک یازیلان بیر سناریو اولموشدور.
ذاتا آلیشدیم بوتوورلی زاواللی روللارا .
نه فرق ائدرکی سئوگی دولو جیسارتلی بیر یئنی اینسانی یاراتماق؟
اَن درین جین باغیران، جیران گَزمیه ن قورخو دولو، قارانلیک دره لرین درینلیک لرینده اولان یارالاریمین ایچینده.
ایشیکلار اوچون ساواش مایین نه فایداسی واردیر کی؟؟
منجه بو ساواش منیم ساواشیم دییلدیر.
بلکی یالنیش بیر بدنده یالنیش بیر دی اِن آ لاردا یاشاردتدیلار منی.
و یالنیش قورخولار یاشادیلار منی.
قورخوولاریم اُلمپیک آتشینی اُلمپیوس داغینا داشییپ و منیم جیسارتیمی سوندورولر. سونودورولر ایشیک لاری.
ایک باهار
یاز
سون باهار
و قیش
منی قویون کیمی بیر داییره جیزیک ایچینده سیحیر ائدیپ و قانادلانیپ اوچمایین اونودماسینی یازدیلار.
داوار کیمی
شعیر یازدیم
شاعیر کیمی
یاشادایم
اولوولر کیمی
سگگیز ایل قویون قالدیم
طوللمی دییشیدیم
استانبولون گَزی پارکیندان
اُسلونون مجسمه لر پارکینا
میانانین یواخاری چارراهیندان
تبریزین ساعات میدانینا
و تهرانینی اینقیلاب میدانیدان
قارلی بورانلی اولان یوللارا
اوتدادیم
قویون کیمی
یاواش یاواش کسملی قویون اولوردوم
قویون اولاراخ قورخولار هرزمان شاهیمی مات ائلییپ منی قورد اولماخدان محروم قویدولار. سانکی بیر ساواشا یا سیاحته چیخیرکن مندن اونجه گئینیپ حاضیرلانیپ قاپیدا منی گوزلییردیلر.
یاز گلدی
یاغمور یاغار کن گونش چیخدی
اوجاداغلاردا بیر قورد تولاسینی دوغدو
و من بیر قویون اولاراخ ساواشیمی سئشدیم
بو ساواش قورخی فیلمیلر کیمی دئیلدی
اوندان داها چوخ قورخمالیدی
آتابابا ناغیللاریندا هیچ قویون واریمیش کی قورد اوریی یئییپ اوزونه گوره بیر افسانه یارادا؟
البته کی یوخدی
گولملی اولسادا اولسون آخی سیزدن کی گیزلین دییل، منیم اوزومد ناغیلیمین بوراسینا گلندهاوزمه گولدوم
آما سونراسیندا دئدیدم :
بوساواش منیم ساواشیمیدی.
هرشیی اینانسان اوسان.
قورد اوریینه یئریک لییردیم
بوگئجه
قورد دریسینه گیریپ قوردلارین سورووسونه ووراجاغام
سحر گون گویین اورتاسینا چیخانا تک ساواشیم وار
یاغمور یاغار کن گونش چیخاجاک
و منیم ناغیلیم دیللرده گزجک
دییه جکلر:
او قویون دوغوردان قورد اوریی یئمیشدیر.
