سحر دوردوم ، ائودن چیخدیم هشتی یه
کوچه ده راس گلدیم عابّاس رشتـــی یه
قاش - قاباغین ساللامیشدی آخ نئجه
سوروشدوم کی نه دی؟ دئدی آی بابا . . .
وئرمه لی یم نم - نئچه میلیون دیــــیه
کاش بیمه می تاپشیرئیدیم « ازکی » یه!
خسته خانا یانیندا جان یولداشیم
گؤردو منی دئدی ای وای قارداشیم
اکیز تایی دوغوبدو او سیــرداشیم
فیکیر - خیالاتدان آغاردی باشـیم
کیم دی ایندی بو ایکیسین بسـلیه
کاش بیمه می تاپشیرئیدیم « ازکی » یه!
آسانسوردا قالدیم بیر آز باغیردیم
گؤردوم سایان یوخدو چوخلو چیغیردیم
آللاه قویسا ! اوز یوخاری چیخــیردیم
باخ گؤر نئجه اؤز ائویمی ییخیردیم
الله بیلیر کیم قازانا ؟ کیم یییه ؟
کاش بیمه می تاپشیرئیدیم« از کی » یه!
پاسپورتوم جیبیمده ، بیلیط الیمده
پوز وئریرم ، الیم قالیـــب بئلیمده
اودکولون ویرمیشام اوستو باشیما
ژل ویرمیشام ، یاغلانیبدی تئلیم ده
اؤسکورورم نئجه آغرییـــیر رییه
کاش بیمه می تاپشیرئیدیم « ازکی » یه!
زنگ اولدو کی ائوین یاندی آی آمان !
یانقی دان جان قورتارماییب بیر سامان !
آغلاماقدان گؤزلــــریم اولدو چئری !
باشینا چیرپیـــــری باباملا مامان !
آلمیشدیم هرزادی قیسطی ، نی‌سی یه!
کاش بیمه می تاپشیرئیدیم « ازکی » یه!
من دئیه ردیم زلزله ده ناغیـــــلدی !
تیتره مه ده ائو – ائشیگیم داغیلدی !
او کی وار غم – غصّه بیزه یاخیلدی !
بولوتلاردان غم یاغیشی یاغیردی !
ایندی ائویم مؤحتاج دی بیر ایینییه !
کاش بیمه می تاپشیرئیدیم « ازکی » یه!
محمد رحیمی (تبریزلی ممی)
#بسپرش_به_ازکی
