سلام اولا سنه ای حجت خدا گله سن
ایا امام زمان عالم آتا گله سن
جهان شیعه چکیر انتظار، سن گله سن
بو گولماقون وره چوخ عالمه صفا گله سن
جهانی ظلم و فساد ادیبدی تیره و تار
جهانی روشن ادن یار مه لقا گله سن
توکوبدی اشک روان یولوندا منتظران
اولا قدملریوه شیعه لر فدا گله سن
اجازه رب جلیل دن آلوب ظهور اده سن
ایا امام معین شاه با وفا گله سن
آلوبدی گویلومی غم گوزوم ده اشک روان
بو درده عشقیمه سن ایلیوب دوا گله سن
ایا امید ضعیفان شبیه ختم رسول
مریض عشقون اولان تا تاپا شفا گله سن
بو شیعه نی غمنن قوتار ایا ولی خدا
به جان حضرت زهرا به حق مرتضی گله سن
یو انتظاره یوخدی دوام قوی رکابه قدم
جهانی اصلاح ایله همچو مصطفی گله سن
اشقلی اولدوز اولان امامتون گوینه
جهانی ایله گلنن ظلم دن رها گله سن
عدالتوں گونی تا عالمی منور ادہ
معین مظلوم اولان خصم اشقیا گله سن
اسوبدی باد خزان گلشنی خزان ایلسون
خزان اولمویاجاق گل و گلستان تا گله سن
هدایتون چراغی رهنمای کل جهان
قوتار بیزی غمنن جهانه رهنما گله سن
عدالتون گلی سن باغبان گلشن دین
او گلشن ایجره ادر شیعه لر نوا گله سن
جهاندا شیعه لر چوخ اولور ستم آقاجان
برای عزت دین رفع هر بلا گله سن
ایا امید جهان پایگاه امت دین
جهان شیعه ادر دائماً دعا گله سن
جهان شیعه چکر انتظار هر شب و روز
جهانی ایلمه قاع سن ده جا به جا گله سن
جهانی پیچ و خمه چوخ سالوبدی اهل ستم
جهاندا مشکلاتا سن ده رهگشا گله سن
جهاندا ظلم و ستم مردمی هلاک ایلدی
جهانی زنده ادن نایب خدا گله سن
فرعونیان زمان سلطه چوخ سالوب جهانا
بو سلطه لر سنا لازم دی سن شها گله سن
کنار کعبه یزدان به روز جمعه گونی
جهانه گلماقوی ایله سن ندا گله سن
ایا ولی خدا منجی عالمیان
محبتون جهانا ایله سن عطا گله سن
قدم جهانه قویوب رفع انتظار ایله سن
جهانه لطف ایلیوب رحمت هما گله سن
شب هجران قوتار تا که گله صبح ظفر
مهدی موعود من یوسف زهرا گله سن
ال ده شمشیر علی حکم خدا لم یزلی
منجی خلق جهان رهبر و مولا گله سن
حکم قرآن خدا سنت چون ختم رسول
بو جهان ایچره بوگون تا اولا اجرا گله سن
تشنه دی اهل جهان تا گوره بیر گل اوزووی
جهانا گورسد اوزون صورت زیبا گله سن
جهانی بد بو ادیب جور و جفا لشکری چوخ
عالمه عطر سپن ای گل گلها گله سن
نور حسن جمالون عالمی نورانی اده
نور حق روشن اولا تا دولا دنیا گله سن
شبعه لر ادی قیام دنیا دا چون پیروز اولوب
انتظار شیعه چکر نهضته پیشوا گله سن
گلشنون گل لری سولمازلار اگر سن گله سن
گلشن جلوه ورن بلبل شیدا گله سن
عالمی گنده چکوب غیبت و بهتان و یالان
پرچم صدق صفا تا اولا برپا گله سن
غوطه ور شیعه اولوب بحر غمه یار معین
شیعه اوندا شاد اولار ناجی عظما گله سن
زرق و برق بو جهان مردمی اغفال ایلیوب
متوجه اولا مردم سوی عقبا گله سن
ای گلستان دینون گل لرینه روح و روان
گلستان گل لری ایلیله تمنا گله سن
ایسته خالق دن اوزون اهل جهان لایق اولا
بو لیاقت اولا مردم ده مهیا گله سن
عاشقان ره عشقون گوزی یولاردا قالوب
مصلح کل جهان وارث طاها گله سن
ظالمال بو جهان حق لری سرکوب ایلیوب
آشکار حق لر اولا ظالمی افشا گله سن
بیز لره رحم ایلمز دشمن خونخوار زبون
حامی دین خدا حیدره همتا گله سن
چون بابان شیر خدا سن جهانا ولوله سال
ذالفقار الده آقا قاتل اعدا گله سن
جانیان جهانی سطح جهانان پاک ایله
بهر غرق خصما چون یکه دریا گله سن
شهدای ره دین قانینی آلماقدان اوتور
انتقام شه دین حضرت سقا گله سن
اکبر و قاسم و اصغر قانی تا زنده اولا
بهرشادی خانم زینب کبری گله سن
عالمون وار نیازی سن کیمی دلسوز اماما
چون اراده ایلیوب خالق یکتا گله سن
نظم دنیانی وروب بیر بیرینه اهل جفا
بهر تنظیم جهان سن ده همانا گله سن
قوی قدم عرصه میدان جهاده گوزلیم
فاتح ارض و سما، گنبد مینا گله سن
کافران جهانی ایله گینن خوار و زبون
همچو موسای کلیم با ید بیضا گله سن
ایستیوب خالق اوزی دینی چون عالمگیر اولا
بو دینون اجراسونا مجری دانا گله سن
بعضی آیات قرآن معناسی مخفی دی بیزه
بهر تفسیر بو آیات مخفّا گله سن
گر صلاح گورمسه الله جهانا گلمه آقا
توکلّر قانوی چون شاه کربلا گله سن
ورلّر حکم سنین قتلیوه وهابیلر
مثال قوم یزید یوخدی چون حیا گله سن
وار یقین اعلمیه تا که ظهور ایلیسن
مقصودا شیعه چاتا قورتولا غوغا گله سن
