اشعار حاج حسین اعلمی(۸) حب علی(ع)

جنتده اوغول باغ ساتان اولماز آلاسان باغ

اولار که آلوب دنیادا الله دان الوبلار

قیمت او باغا حبّ على خالص عملدی

بو معامله ده بو ایکی سوز شرط ازلدی

تحویل او باغ مشتریه وقت اجلدی

اولار که آلوب دنیانی اوّلده ساتوبلار

گر ایستیه سن قالمویاسان حشر ده داردا

جنتده اوغول آلگلا باغ دنیادا بوردا

تا میوه لرین سن دره سن حشر ده اوردا

اولار که آلوب حق یولی دنیادا تاپو بلار

بی گل چمنه بلبل شیدا هله گلمز

گل آچماسا عالمده آغاج حاصله گلمز

بی حبّ علی جنت اوغول باغ اله گلمز

اولار که آلوب حبّ على قلبه ساچوبلار

خالص عملیله گوزلیم نفسی ازرسن

هر بیر عمل خیرله سن بیر گل اکر سن

جنتده گدوب گلریوی سنده درر سن

اولاری که آلوب حشر ده محصولا چاتوبلار

اولار که علی حبی داها یوخدی دلینده

یوخ اذن دخول جنت اوچون مدرک الینده

گرحبّ علی اولما سا وار نقص عملینده

اولار دا آلوب آتش دوزخده یانوبلار

هرکس علیه پیرو اولا اودان اوزاقدی

چون شیعه لره حشر ده او بیرجه دایاقدی

جنتده گدیب آل علینن هم ایاقدی

اولار که آلوب، دنیانی چون دلدن آتوبلار

دنیا ده بشر قالماق اوچون آز زمان اولدی

میدان عملده هامی لار امتحان اولدی

هر کیمسه علی خطی گدیت باغ آلان اولدی

در خط علی عشق آتونی بوردا چاپوبلار

شکّر دن اغول هیچ وده دوزگون عسل اولماز

گلدن آری بال اخذ اده هیچ وقت بدل اولماز

9

بی حبّ علی دنیادا خالص عمل اولماز

اولار که آلوب مطلبی اوّل تاپوبلار

دوزدان گوزلیم هیچ وده نقل و نبات اولماز

قوش اولسا یولون اوجماقا اوندا قانات اولماز

بی حبّ علی عقبادا اوتدان نجات اولماز

اولار که یانوب دائمی دوزخده قالوبلار

اولار که علی حقینی عالمده دانوبلار

چوخ تفرقه بو امت اسلامه سالوبلار

علت اودی که ملت اسلامی قاتوپلار

اولار گینده خواب بطاله ده یاتوبلار

پیرو علیه لازمه دی متقی اولسون

الله رضاسی تا که اونون قلبنه دلسون

تا لایق اولوب جنت آلا قصر و باغ آلسون

اولاردی که عالی مقام اوردا چاتوبلار

سو اوماسا اگر ماهی اوغول زنده قالانماز

بی عشق علی هیچ کس اوغول جنت آلانماز

دشمن علیه جنته بول داخل اولانماز

اولار دا عناد پالچغنا بوردا باتوبلار

خالص عملیلن علیه عاشق اولارسان

عاشق علی اولسان اگر لایق اولارسان

محبوب علی، ختم رسول خالق اولارسان

محبوب بولار سوزلرینه بس که باخوبلار

شامل دی علی دوسلارینا رحمت یزدان

هر کیمسنی گر سوسه علی قورتارار اودان

کوثر سویونی میل ایلیوب داخ رضوان

اولار که ایچوب کوثری جنتده قالوبلار

دریاده اگر طوفان اولا وار خطراتی

وار عشق علی کشتی سینه راه نجاتی

هر کیمسه سوار اولدی تابوب جاوید حیاتی

اولار که مینوب راه علی اوسته قاچوبلار

اولار که علی مکتبونون پیروی اولدی

دنیانی اولار باشدان آتوب اخروی اولدی

مخلص علیه ایمانی چوخ چوخ قوی اولدی

چون عشق علی شربتینی بس که دادوبلار

دنیا گدیری قالمویاجاق بیر کس والله

سعی ایله اوغول حبّ علی تا اولا همراه

بی حبّ علی انسان اولی دنیادا گمراه

گمراه لاری عقباده اوغول ناره سالوبلار

عمرون گلدی آخری بیرگون سولاچاقدور

مامور خدا تا که گلوب جان آلاجاقدور

مولادی اوگون باشوون اوسته گله جاقدور

مولادن اوگون شیعه لر امداد آلوبلار

محشر ده علی اخذ ایلر رتبه ممتاز

پیرو لری قوش تک ایلیر جنتده پرواز

حوران جنان ایلیه جاق شیعنی پیشواز

آند اولسون علی حقینه مقصوده چاتوبلار

ای اعلمی سن ایله عمل حکم قرآنه

ور سن صفا در عشق علی روح و روانه

بل باغلاما سن تز سووشان فانی جهانه

اولار که آلوب، سوء هوسی باشدان آتوبلار