ای باد سحر اسکله بیر شادی گتورسن
محبوس اولان جانیمه آزادی گتورسن
حبس اولدی نفس سینه ده دردین دیه بولمور
غم پاتادری قلبیمی فریادی گتورسن
ای صبح گهین خوش نفسی ائیله معطر
روح افزا اولان خوش نسیم او باری گتورسن
آهوی دئلیم حسن جمال اوسته گزر او
ابروی کمان صید ائده صیادی گتورسن
گؤیلوم قوشی پروازه گلوب باغ و چمده
ای فصل بهار اون بش خردادی گتورسن
گلشنده گلی سولدوروری فصل خزان چون
ای اول سال غنچه نوزادی گتورسن
گر ایستیه سن میوه لرین حاصله چاتسون
یای فصلی گلوب ماه امردادی گتورسن
گلشنده اسه باد خزان گل سولاچاقدور
طوفانه دؤزن سرویله شمشادی گتورسن
عشق اهلی گرگ عشقده ثابت قدم اولسون
شیرینه اولان عاشق فرهادی گتورسن
عشقون منی بیمار ایلیوب دلبر جانسوز
آماده مرگم منه جلادی گتورسن
گر ایستیه سن آگاه و روشن اولاسان تا
لازمدی گئدوب عالم و استادی گتورسن
هر سؤز دینین سؤزلرینه ائیلمه باور
درس آلماق اوچون ناطق ارشادی گتورسن
بولمم نه قدر عشق وارون لطف خدایه
چوخدی کرمی عشقده بازاری گتورسن
عمرون نوری خاموش اؤلوبدی سونه چاتدور
سعی ائله گلن نور خدادادی گتورسن
گر ایستیه سن قیز آلاسان دنیادا هر وقت
آختارگله تاب شیر حلال زادی گتورسن
گر شیر آنا اولسا حلال حتم و یقین بؤل
اوندا جهانا صالحه اولادی گتورسن
گر آلمویاسان دنیادا سن دخت حلال زاد
او قیزدان اوغول فرعون و شدادی گتورسن
قیزلاردا حیا چوخ آزالوب وضع دیگر اولدی
خوش زندگیه دؤز قیز و دامادی گتورسن
علت نئدی یارب چوخالوب چوخدا طلاقلار
بو مسئلیه علت و ایرادی گتورسن
اوغلانیله قیز یا بیری یا هر دو چاخاندی
علت اودی که خانه بربادی گتورسن
اوندا اولاجاق جنگ و جدال دائما ائوده
خوشلوق گئدر الدن دل ناشادی گتورسن
اجراء گئده جاق اوغلان چون مهر و صداقه
جهیز قیتور خاور و زامیادی گتورسن
ظلمون کاساسی دولدی داشوب هر یانی تودی
ای حجت یزدان گؤزل آزادی گتورسن
تا اجراء اولا حکم قرآن روی زمینده
سن گلماقولان عدلیله بیر دادی گتورسن
انسانلارا چوخ ظلم ائدری قوم ستمگر
مظلوم اولان انسانلارا امدادی گتورسن
تا اینکه سیه رو اولا چوخ کفر جهانی
محکوم ائلین مدرک و اسنادی گتورسن
دنیانی وروب بیر بیرینه قوم منافق
همراهمون اولان چوخ شریف افرادی گتورسن
تا اینکه اولا روی زمین باغ و جنان تک
تخریب دلی آباد ائله آبادی گتورسن
ظالملری پاک ائیلمه گه سطح جهانان
شمشیر دو سر چوخ تیز و فولادی گتورسن
غم چولقالیوب شیعه لری بیز سنه قربان
رفع غم ائله خرم و دلشاری گتورسن
ای دکتر عشاق جهان دردیمه درمان
آهو گؤز اولان معشوق بی داد گتورسن
عشقون داواسی بو جمالوندا قره خالدور
ددلر داواسی آئین اجدادی گتورسن
ای اعلمی یاز شعروی چون مثل شکردی
شیرین ائله چوخ کامیمی قنادی گتورسن
