گلدی جهان رهبر نور خدا محمد
ایلوب ایشیق جهانی شمس هدا محمد
جور و جفا جهانی ادمشیدی تیره و تار
نورون جهانه گلدی ایلوب غوغا محمد
اون یدی ربیعده قویدون قدم جهانه
اولسون قدملريوه جانلار فدا محمد
ادی طلوع جهاندا خورشید دین یزدان
سولموش جهانه وردی چوخلی صفا محمد
سن گلمموش جهانه اولدون یتیم محمد
آلتی ایل سنه آتالوق ادی آنا محمد
سنین اولوبدی آلتی رحلت ادیبدی مادر
یالقوز قویوبدی گدی سنی اُمّا محمد
کفیل اولدی یتیمه عموی مهربانی
تا قالماسون جهاندا یالقوز تنها محمد
اولدون جهاندا مشهور محمد امینه
الله سنه رسالت ایلوب عطا محمد
سنین چاتوبدی قیرخا وحی خدا گلوبدی
اولدون رسول اکرم سن پیشوا محمد
وجودون اولماسایدی خلق ایلمزدی خالق
افلاک و کائناتی حتما خدا محمد
ای گلستان عشقون عاشقلرینع معشوق
عشق اهلینه جهاندا كان وفا محمد
ادون عروج سمایه چاتون حضور حقه
آللهیله دانشودون ای حق نما محمد
ای معدن کرامت ای صاحب فصاحت
صحبت لرین شیریندی ای خوش صدا محمد
غرق ایلموش جهانی دنیای شرک و کفار
سن کشتی نجاته اى ناخدا محمد
ارزش تاپوب خانوملار همچون صغیره قیزلار
زنده بگور اولماقدان ادون رها محمد
سولدی کول جهالت علمون گلی گل آچدی
عالم معطر اولدی خوشبو عقبا محمد
اولموش جهان فانی روح و روان مریضی
گلدون جهانه ویردون چوخلی شفا محمد
ای صاحب کمالات ای معدن مناجات
خُلق عظیمه مالک چوخ با حیا محمد
ادون جهاندا اعجاز با اذن رب یکتا
شق القمریله ادون ماهی دو تا محمد
ای خاتم الانبیا ای زاده ذبیحین
نائب سنه اولوبدی شیر خدا محمد
چکدون جهاندا زحمت ادون جهانی ارشاد
دشمن لرین الینن گوردون جفا محمد
الله کلامی گلدی یدی سنه پیمبر
احکام دینی ادون سنده اجرا محمد
اولدی سعید بو انسان منجی عالم اولدون
حلال مشکلاتسان ای رهگشا محمد
محشرده شافع اولدون دنیاده رهبر اولدون
قبرون زیارت ایلر شاه و گدا محمد
عرش خدایه زیور عالملره سن سرور
تاپدی شرافت سن بوگون دنیا محمد
دوزدون جهاندا ظلمه ادوون تحمل جوره
بهتانلارا صبر ادوب صبرین دریا محمد
اصلاح ادن جهانی نشر ایلین قرانی
آزاد ادن انسانی بی مدّعا محمد
گلدی جهانه احمد، ایوان کاخ کسری
طاقی شکاف تاپوبدی اولدی جدا محمد
آتشکده آتشی ایر بوئی یاناردی
مولودون ادی خاموش ای مه لقا محمد
شاهلار تختی واژگون شاهلار لال اولدی مدهوش
دریاچه ی ساوه ده خشک اولدی یا محمد
دیده جهانه آچدون شیطان و شیطانلارا
راه سما قطع اولدی سنن داها محمد
سن موجب هدایت روشن اولوب حقیقت
دنیا تاپوب سعادت ای رهنما محمد
ای باعث بو خلقت ای عالمینه رحمت
اولدون جهانه زینت ای خوش سیما محمد
بتخانه اولموش کعبه مشرکلرین مکانی
گلدون شرافت تاپدی بیت خدا محمد
مکه مدینه اولدی قطب جهان اسلام
ازش تاپوب سنیلن مشعر منا محمد
علمون سنون لدونی عالملره مدرس
علمون جهاندا اولموش نامنتها محمد
سن ارباب کمالسان، سن عشقه ذيجلالسان
سن الله مقالسان اى مصطفی محمد
دینون بیمه جهانی ایلوبدی تا قیامت
ثابت قالار جهاندا تا حشر اولا محمد
تخم محبت اکدون صحرای عشق دلده
سبز اولدی باغ دلده گل تقوا محمد
قارداشلوغون گلون سن بین بشر گوه دون
کینه کولون چیخادون ادون سوا محمد
موج عداوت اولدی دریای دینده فانی
اهل جهانان اولسون رفع بلا محمد
حق لر یرینده قالسون رفع تجاوز اولسون
عدالتون جهاندا اولدی مبنا محمد
چشم جهان کورودیدی گورمزدی حق جهانی
چشم جهان سنیلن اولدی بینا محمد
آئین حج و کعبه اولدی جهاندا اجراء
تکمیل حج اولوبدی سعی و صفا محمد
ترک ایلدون جهانی مظلوم اولوبدی حیدر
گلدی شهید مظلوم قیزون زهرا محمد
سنن سورا جهاندا ارزش دینه قالمادی
اوغلون حسین وروبدی دینه بها محمد
گوردی گدیر جهاندا دین خدا هیچ اولسون
بو مطلبی جهانه ایلیوب ندا محمد
ادی قیام خونین اولدی شهید و مظلوم
زنده ادیبدی دینی در کربلا محمد
درس خدا و ایثار ویردی جهانه عباس
لب تشنه جان ویروبدی دینه سقا محمد
زینب اسیر گدوبدی چولرده شهرلرده
تکمیل ادوب قیامی او باوفا محمد
داغلارجا غم یتیشدی بانوی قهرمانه
خطبه بیان ادوبدی چون مرتضی محمد
بیر خطبه ایله امام ادی یزیدی رسوا
ناچار قالوب عیالون ایلوب رها محمد
ظلم رستم جهانی ایلوبدی چوخ احاطه
گلسون جهانه مهدی، ایله دعا محمد
نابود اولا جهاندا ظلمون اساسی یکسر
عالملری چولقاسون عدل و سخا محمد
اذنی خدادن آلسون ادسون ظهور او سرور
بیمار اولان جهانه ادسون دوا محمد
آلسون اله چو حیدر شمشیر ذوالفقاری
مستکبرین عالم اولسون فنا محمد
اولسون جهان خلقت با نور او منور
تاپسون فضیلت عالم ارض و سما محمد
ظالملره جهنم مؤمنلر بهشتی
تنظیم ادیب قباله ورسون امضا محمد
الله دینی سنیلن من مضطره یتیشدی
دائم دییر اعلمی حمد و ثنا محمد
