ای آدی گلن هر ایشده اول
عالم یوخودی وار ایدین ازل
ای صاحب قدر و قدرت و جاه
خلاق جهان خدای آگاه
اى آدی خدا، عربده الله
تکمیل ائلیین جهانی اکمل
ای نازل ائدن رحمتی گؤیدن
ای روزی وئرن بو خاک یئردن
کسمه کرمون الهی بیزدن
بر حق علی و ختم مرسل
نازل ائیلدین قرآنی یارب
اصلاح ائیلدین جهانی یارب
عارف ائیلدین انسانی یارب
انسانلار اولا صاحب افضل
ای صاحب شوکت جلالت
وئردین نبیه حکم رسالت
انسانی ائده او دا هدایت
لطف ائیلمیسن خدای ابذل
ای رب جلیل خدای یکتا
یوخدی سن اوچون شریک و همتا
خلق ائیلمیسن جهانی زیبا
مخلوقدا یوخوندی ذره ارزل
ای توبه پذیر رحیم و رحمان
بخشنده اولان خدای سبحان
سن سن ائلیین گناهی پنهان
تا بنده لرین اولمویا اخجل
ارسال ائیدین قرآنی الله
وئردین بشره بیانی الله
ائتدین خلیفه انسانی الله
انسان شریف اولمویا اضّل
سن خالق ارضله سما سن
سن عالم اوچون تنها خدا سن
سن لایق حمد یله ثنا سن
ای خلقه ائدن لطفونی انزل
ای خلق ائلیین خورشید و ماهی
ای مخلوقاتون اولان پناهی
ای روزی رسان رزاق الهی
سن سن جهانا بهترین اکفل
ای کائناتی اولان منظم
ای خلق ائلیین بهش جهنم
کافرلر اوچوندی اود مسلم
دین اهلینه فردوس مجلل
سن صاحب عدلیله کرم سن
سن صاحب لوح سن قلم سن
ظلم ائلییه نی ائله عدم سن
مظلوملارا تا اولمویا انگل
ای خلق ائلیین روح و روانی
وئردین بشره شیرین زبانی
سن سن یاردان بو جسم و جانی
سن خلق ائیلدین انسانی اجهل
ای لطف ائلیین انسانا نطقی
ای زنده ائدن دوباره خلقی
ای روشن ائدن باطل و حقی
حق أهلين ائدن رضوانه ادخل
سن سن یارادان جمله کراتی
یئردن گؤیدن او گول نباتی
ای خلق ائلیین ممات حیاتی
ای ذاتی اولان آخر و اقبل
ای خلق ائلیین لیل و نهاری
سن خلق ائیلدین گؤزل بهاری
ای جاری ائدن دو چشمه ساری
گلزاردی جهان باغ دره جنگل
ای خلق ائلیین اناث ذکوری
سن سن یارادان ظلمت و نوری
سن خلق ائلدین بهشته حوری
فردوسیده یوخ مریض و اکسل
ای خلق ائلیین جنت اعلا
وار جنت آرا قصور زیبا
داخل اولاجاق صاحب تقوا
مسکن اولار اوچون قصر مجلل
ای خلق ائلیین اودلی جهنم
آتش اولاجاق اوردا مجسم
کافر یاناجاق اوردا مسلم
با خواری حیرتله چوخ اذلل
سن صاحب اسرار جهان سان
سن عالم افعال نهان سان
سن نه دوغلوب نه ده دوغان سان
سن حی و قدیر عزیز و اجلل
دریاده اوزر بالیق نهنگین
چؤللرده گزر آهو پلنگین
گؤیلرده اوچار مرغان رنگین
خالق اولارا خدای اجل
ای پادشه جهان خلقت
ای صاحب اجلالیله عزت
ائتدین بشری صاحب قدرت
خلقتده بشر دگولدی مهمل
دشت و دمنه یاغیش یاغاندا
گوللر گول آچار او گولستاندا
محرز دی وجودون هر زماندا
چار فصل هر ایل اولور مدلل
ای بنده نواز خدای عادل
خلق ائیلمیسن انسانی عاقل
تا اینکه بشر اولمویا غافل
غفلت بشری ائتمییه اذلل
ای بنده لر خدای دل سوز
زینتدی گؤیی آی گون و الدوز
نور افشان اولالار گئجه گوندوز
تاریک جهانا اولوبلا مشعل
سن سن یارادان انسانی گلدن
روح وئردین اونا روح اصیلدن
تقدیر ائله سین رب جلیلدن
امداد آلا تا یار گؤزلدن
ای خلق ائلیین گلهای الوان
سیراب ائدیر گلشنی باران
چه چه ووراجاق بلبل خوش خوان
خالق تانیسین انسانی اجهل
سن خالق جنیله ملک سن
سن صاحب ادوار فلک سن
مظلوملارا عالمده کمک سن
دشوار ایشی سن ائیلدین اسهل
ای خلق ائلیین هر جوره حیوان
برتردی هامی حیوانا انسان
ائتدین بشری صاحب اسکان
سالدی بو بشر یئر گؤیه چنگل
سن خلق ائیلدین بادیله طوفان
سن سن یارادان ابر بهاران
ای نازل ائدن برفیله باران
مشکوللری سن ائیلمیسن احلل
خلق ائیلمیسن هر جوره معدن
تا بهره توتا بشر بو یئردن
هشدار وئره سن بیزلره هردن
لرزان اولوری زمین اثقل
ای زنده و دائم قالان الله
نه چورت وورب نه یاتان الله
مؤمنلره جنت ساتان الله
شرّکار آلوبدی درک اسفل
امداد ایله سن خالق منان
تا توولامایا بیزلری شیطان
عاشق اولا تا دینیوه انسان
اجرای دینه اولمویا تنبل
خلق ائیلمیسن بیزلری انسان
اغفال ایله ییر بیزلری شیطان
اوندا اولوروق کمتر از حیوان
عزت گئدیری چون گلی اذلل
ای خلق ائلیین هر جوره اشجار
وار میوه لری خشکیله آبدار
تلخیله شیرین ترشله یاغدار
خوراکی ائده معدلره احلل
ای صاحب احسان و کرامت
خلق ائیلمیسن بیزلر نعمت
واله ائله ییب انسانی خلقت
خلقتده بشر قالیب معطل
ای بذل و کرم صاحب احسان
ای مخلوقاتا رحیم و رحمان
لازیمدی ائده عبادت انسان
تا بنده لیگی اولا مسجل
ای خلق ائلیین داغ دره دشتی
سن سن یارادان گؤزل بهشتی
شیطاندی سئور هر کار زشتی
شیطانی بیزه ائتمه محول
خلقتده واروندی بس نو شیوه
یازدا گول آچار درخت میوه
وقتینده یئتر گیلاس و ایگده
خلقتده یوخوندی ذره اخلل
مجهولدی خلقت ابتداسی
بوخلقتیوین یوخ انتهاسی
بیرلشمیری فهمیه گرباسی(؟)
مبهوت قالیب انسان اجهل
بیر ذره دی خلقتده دئدیم من
بیر جزء دی حکمتده دئدیم من
بیر قدردی قدرتده دئدیم من
دنیا جمع اولا دیمیز اکمل
ای خلق ائلیین رودیله دریا
وئر اعلمی یه زبان گویا
تا حقی دئییب ائیلییه غوغا
اشعاری یازا مثل مسلسل
