بعثت پیغمبر اکرم(ص)
بعثت ختم رسول جانلاری آزاد ائلدی
دین اسلامی بوگون دنیادا ایجاد ائلدی
جبرئیل ادی نزول معبد اولان غاره بوگون
گدی پیغام خدا احمد مختاره بوگون
ایلوب عرض ادب گلدی او گفتاره بوگون
دیدی الله سنیلن دیننی ارشاد ائلدی
اقرء بسمنی اخوی ایله تلاوت قرآنی
نور باران ایلسون نور رسالت جهانی
لفظ یزدان وروب قلبینه چوع چوخ صفانی
مکتب دین خدا دنیا دا میلاد ائلدی
دنیا دا فسق فجور جهل فساد طغیان ادیب
کشت و کشتار و ستم کفر عناد طوفان ادیب
ادی مبعوث سنی مجری دین قرآن ادیب
افتخار وردی سنه رهبر و استاد ائلدی
قبل از اسلام جهان شیطان اوچون میداندی
انسانی اغفال ادیب نار سالان شیطاندی
شیطانی غمگین ادن عاره گلن فرماندی
شیطانون سیندی بیلی ناله و فریاد ائلدی
کفرو شرکین ستمی عرشه گدیت چاتموشدی
وادی جهلده چون جمله جهان یاتموشدی
روح انسان او زمان بحر غمه باتموشدی
گلدی آیات خدا عالمی چوخ شاد ائلدی
عدل و ایثار و وفا وجدان اوچون اولموشدی
روح ایمان به خدا شرکه طرف دونموشدی
شعله عشق خدا دنیا دا چون سونموشدی
گلدی بعثت جهانی تازه لی بنیاد ائلدی
مشرکین حق رسولی شاعر و ساحر ایلیوب
لیک الله رسولی صابر و قادر ایلیوب
دین یزدانی نبی عالمه صادر ایلیوب
دینی ارسال ایلین دینینه امداد ائلدی
دین گلوب مردمی چوخ بیدار و آگاه ایلدی
احکام دین خدا عالمی اصلاح ایلدی
دین اسلام گلوب مردمی ذی جاه ایلدی
دنیانی ادی عوض عالمی نوزاد ائلدی
وادی ظلمده ، چوخ چوخلی جنایت وارموش
بین انسانلار اوگون چوخلی خیانت وارموش
علم و دانش یوخدی بلکه جهالت وارموش
علم و دانشدی گلوب عالمی آباد ائلدی
قرآنون آیه لرین اجرا ادیب ختم رسول
فطرت انسانلان تطبیق ادیب اولدی قبول
پیش رفت دین ایلیوب دشمن اولوب چوخدا ملول
اودی کفار او زمان ظلمده بیداد ائلدی
ایمدی دشمنه باش دشمنی ایلیوبدی ذلیل
دینی پیروز ایلدی ختم رسول رب جلیل
دینی ثابت ایلدی منطق و برهان و دلیل
ایشلرینده همیشه آلهی چوخ یاد ائلدی
دینی ارسال ایلیوب خالق اوزی ادی نظر
مبعثون چون نهالی رشد ایلیوب ویردی ثمر
ظلم و جورون ریشه سین قطع ایلدی بین بشر
کعبه حقده نبی بت لری بر باد ائلدی
مکتب دین خدا دنیائی روشن ایلیوب
اجراء اولدوقچا قران عالمی گلشن ایلیوب
روش دین خدا ایشری احسن ایلیوب
اهل این خرم و شاد کفّاری ناشاد ائلدی
قرآنون اجراسینا چونکه اراده ایلیوب
تهمت و مشکله چوخ بس اوزون آماده ایلیوب
پشتکار اولدی نبی دینی پیاده ایلیوب
دینی تثبته یتن مدرک و اسناد ائلدی
عیده مبعثده خدا قرآنی نازل ایلدی
نور حق روشن اولوب ظلمتی باطل ایلدی
علینی ادی ولی دینینی کامل ایلدی
مبعث و غدیرخمی بهترین اعیاد ائلدی
گلدی اسلام جهانا خلق جهان اولدی سعید
حکم فرما چون اولوب مکتب قرآن مجید
بو دینون حفظی اوچون دنیادا وار چوخلی شهید
شهدا قانی آخوب دینی چو فولاد ائلدی
دیندی انسانلاری بس خوش ایشه دعوت ایلیری
موجب عزّ و شرف صاحب قدرت ایلیری
متقی شخصلری وارد جنت ایلیری
دشمنی دلگیر ادیب مؤمنی دلشاد ائلدی
نهضت ختم رسول دنیادا غوغا ایلیوب
دین یزدانی نبی دنیادا احیاء ایلیوب
مكتبون فلسفه سین عالم معنا ایلیوب
دینی تشریح ایلسون خطبه لر ایراد ائلدی
ای محمد هامی دنیا سنه مدیوندی بوگون
دینوی قبول ادن آللها مقروندی بوگون
دینی انکار ایلین دنیادا ملعوندی بوگون
پیرو شیطان اولوب فتنه و افساد ائلدی
بعثتی تعقیب ادن شیر خدا حیدر اولوب
جانشین شه دین نائب پیغمبر اولوب
قرآنی اجرا ادیب عالم اوچون رهبر اولوب
عدلی گسترده ادیب ظلمی او ایقاد ائلدی
مبعثی تکمیل ادن اول شه والا علی دور
دین اسلامی ادن دنیادا اجرا علی دور
لایق زوج بتول دنیادا تنها علی دور
اودی که ختم رسول حیدری داماد ائلدی
ای بشر درک ایله سن واردی بیزه روز بقا
گورجک بیزلرین حق و حساب بس که خدا
وره جک هر عمله خالق اوزی اجر و جزا
ترسناک اعلمی نی محشر و میعاد ائلدی
نور دین عالم آرا تاریک و هم خاموشدی
بت پرستان جهان عالمی دولدور موشدی
مردم روی زمین شیطان چون همدوشدی
گلدی اسلام جهانا مردمی اوتاد ائلدی
اودی بعثتده گلوب مردمی بیدار ایلدی
قرآنون آیه لری مردمی هوشیار ایلدی
اجرا اولدوقجا قرآن عالمی گلزار ایلدی
ناروا ایشلر نابود و اسداد ائلدی
