هەلبەستەک ژ یانیس ڕیتسۆس: ده‌رباسبوونا بهاری یا ژنه‌کێ

ژنا به‌ده‌و و لهه‌ڤهاتی
شێرینمه‌ش و خه‌رامانن هات و
ژ په‌یارێکا سه‌رانسه‌ر سپی یا وی ئالیێ کۆلانێ ده‌رباس بوو.
ڕۆیێ تیشکێن خوه‌ یێن زێرین ل ئاسمێن به‌لاڤ کربوون
ب هه‌ر لڤه‌که‌ وێ، قالبه‌که‌ بلوورین ل هه‌وا چێدبوو
ئه‌ینی وه‌که‌ به‌ده‌نا وێ.

ب ده‌رباسبوونا وێ
ڕێزه‌ک ژ په‌یکه‌رێن شه‌فاف ل دوو وێ دما.
هه‌تا کو دوور که‌ت و
د فتیلا وێ جاده‌یێ دا وه‌ندا بوو.
هه‌ر تشت و هه‌ر که‌س ل شوونا خوه‌
مات، بێده‌نگ و بێلڤ مابوو...
گولفرۆشان ده‌ریێن دکانێن خوه‌ دگرتن.
وی چاخی...
ب درێژاهیا وێ کۆلانا سپی
هه‌تا داویا وێ ئاسۆیا ڕۆنی
ئه‌و په‌یکه‌رێن شه‌فاف، بلوورین و شلف و تازی هشک بوون و
نه‌رمه‌بارانه‌ک
ب سه‌ر ملێن وان ئێن مه‌رمه‌رین دا باری...

هه‌لبه‌ست: یانیس ڕیتسۆس
پرتووک: بیستوون
وه‌رگێر: به‌رات قه‌وی‌ئه‌ندام