گجه گوردوم یوخودا دنیادان اولموش گدیرم
اولومون شربتینی ایلموشم نوش گدیرم
روبرو اولدی منه چون او گجه پیک اجل
ملک الموته ادیب تعظیم و کرنش گدیرم
فوت ادیب باد اجل بس که بو عمورن چراغون
سوندی عمرون چراغی اولدی او خاموش گدیرم
ادیلر لخت منی غسل و حنوط ایلدیلر
بوکدولر آغ کفته منده کفن پوش گدیرم
قویدلار تابوتا چون قیلدلار میت نمازون
قبره ساری آپاروب منده سردوش گدیرم
دوستلار آشنالار گوردوم هاموسی غمگین اولوب
باجي قارداشدا اولوب جمله سیاه پوش گدیرم
قویدولار قبره منی وردیله تلقین منه چون
مسکنیم قبر الوب قبره هم آغوش گدیرم
قویدولار تنها منی هامی قیدی شهره
دنیادا قالماقی من ایلمیدیم هوش گدیرم
دنیانون زرقیله برقی منی تخدیر ایلدی
اودکی ایلمیشم مرگی فراموش گدیرم
بولمدیم قصر آلام جنت آرا دنیادا من
دنیادا قصر آلوب ترکینی مفروش گدیرم
اولمادی دنیادا بیدار دل غافل، نه ادیم
یوخلادی عمر بویی چون خواب خرگوش گدیرم
دنیادا جور و جفا وردی منه چوخلی فشار
قلبمه وردی عذاب قانیمه چوخ جوش گدیرم
آیریلوق اولدی چتین دوسلاری ترک ایلمیشم
ناگوار گورمرم ای دل اودی دلخوش گدیرم
قالدی مالیله منالیم هاموسی وارثیمه
عملیم اولماسا گر منده الی بوش گدیرم
عملی اولمویانا ترک جهان دشوار اولی
مطلبی فاش ایلمه چک کله سرپوش گدیرم
بولمسم من نیه گلدیم نیه گدیم جانها
همیشه مست خمارم همچو می نوش گدیرم
عملیم اولسا اگر ترک من اندوه ادرم
چاتارام مقصد من اوندادی دل خوش گدیرم
بیر قفس دی بو جهان بنده چکوب نفس منی
بنددن آزاد اولوب ایمانی مخدوش گدیرم
او جمالیله بدن که من اونا مفتخرم
ییجک او بدنی قبرده قوت قوش گدیرم
چوورر گل بدنیم قاطی اولا توپراقا او
قبریم اوسته گورر بیر نچه کول کوش گدیرم
یرخودان بیدار اولوب با دل آسوده ولی
خاطریم اولدی مشوش گینه مدهوش گدیرم
ناروا دوست منه اولدی رفیق شیطانلان
ناروا راهه گدوم تیکدیلر پاپوش گدیرم
لیک من باغلاموشام رحمت یزدانه امید
اعلمی حب علی قلبده منقوش گدیرم
